|
| 10 月 25 日 (星期日)
一家大細的旅行飲食團, 換著以前我一定不會參加.
讓我參加的其中一個原因係, 難得明天是公眾假期, 可以抖返一天 (點知到最後也因為 Madam Cheng 而令我無左日假... -_-).
雖然好多地方都去過...
雖然團友無乜我呢個年紀...
但人大了, 不知怎的覺得這是一個難得的機會和爸媽去逛逛...
所以最後都選擇去.
Madam Cheng 都算唔話得, 一大早分別去兩個家庭接兩個基軍學生去吃早餐, 然後崇拜, 跟住"磅"住食午飯, then 一齊出發搭旅遊巴. 全程車程照顧周到不在話下, 晚上去到流浮山吃晚飯又"磅"住食, 食完去睇螢火蟲又陪伴左右, 完左仲送埋兩個學生返屋企, 真係一個字: "讚".
這兩個小孩的家庭都有各自的問題, 很難得有機會出來逛逛, 出來接觸大自然. 呢個短短又無乜難度的旅行真係好適合佢地.
難得 Madam Cheng 拍晒心口話全日佢攪掂, 真係好佩服佢, 哈哈哈~
今次的旅行雖然好普通, 但令我有深刻的體會.
晚上一行人摸黑上山看螢火蟲, 在漆黑一片又潮濕兼陡斜的山路上, 兩個學生又怕黑但又想睇螢火蟲.
拖著兩個小朋友的小手, 一邊行要逗他們說話, 一邊要鼓勵和支持他們, 真係好有做人爸爸的感覺, 哈哈哈. (我已經不停安慰自己最多咪係叔叔/大哥哥o架啦, 哈哈哈~ -_-)
一諗到去完旅行可以"交差"送返個仔俾人, 一了百了, 真係無乜顧慮.
如果係自己的孩子就真係煩, 仲要日對夜對...
怪不得人家說: "玩人地個仔/BB 好好玩, 但自己果個就唔好玩"
好大責任, 要照顧起居飲食, 供書教學, "細個驚佢唔飽, 大個又驚佢學壞"...
我真係諗多左, 但真係好有感受.
當感覺到這兩個小孩很有信心信靠自己的時候, 不期然很有勇氣去帶領和扶持;
當感受到他們的開心, 不開心, 興奮和失落, 自己也會有很深的感受和體會.
自自然然每樣東西也會為他們著想, 顧念他們的安危, 思念他們的好處.
雖然任重而道遠, 但正常來說, 每人總有機會將來為人父母, 這個責任是推不了也躲不過.
建立一個信靠主的家是一件快樂的事~
現在作為 BB 的其中一個導師, 很開心可以看見他們一天一天成長進步.
看見他們步操越來越有隊形和紀律;
看見他們有些本來没有信心, 自我封閉, 不喜歡說話, 到現在間唔中都會主動找人閒談, 重拾自信;
看見他們在主內的改變和成長;
真的很感恩~
說真的, 這次我視之為很悶的旅行, 雖然短短半天多些, 確實令我有好大得著.
感謝主~ ^_^
| | |
| 10 月 20 日 (星期二)
上星期五, 下午開始發冷, 即時去樓下睇醫生.
吃了點藥好了點.
很累, 腳有點痛, 要快些好返.
今天星期二, 藥已吃得七七八八, 腳已不痛了, 真的很感恩.
吃午飯時, 又再突然發冷.
很想回家抖, 但知道抖一天, 明天的工作更多要更夜走.
同事已很好, 幫了很大忙, 但不可以拋下東西給他人做, 自己的事還是應當自己做.
我越來越明白, 人的心真的很脆弱...
特別在病的時候, 想了很多東西.
很想被關心, 很想被愛, 也很想撒嬌, 活像一個小孩.
有時會很傻問自己, 我是否不值得被愛嗎?
就算不值得, 至少我也很想在禱告中被掛念和關心.
至少在這世上, 我渴望在禱告中佔一席位.
雖然最終不知道, 但心內還是有一點渴望.
工作的重擔, 前路的憂慮, 父母的擔憂, 再加上不好的狀態, 令我按捺不住麻煩了他人.
真的很對不起.
我不是苦悶或寂寞才想這樣, 而是在最軟弱的時候原來我只想簡簡單單被掛念就可以.
可是我越是渴求被愛, 就是越得不著, 真的很可笑.
或許這是神給我信心的一課, 讓我清楚了解自己原來還是很孩子氣.
我想是時候學習去愛, 學習去忍耐, 也要學習去等待和禱告.
| | |
| 偶然聽到呢首歌, 真係好好聽.
我真係越離越 "老餅" , 哈哈哈~
傳聞 - 呂方
曲：柳重言 | 詞：林振強 | 編：
你回港了 聞說你的風采如昔
你回港了 近日我心似半吊
我忘不了 和你那些精采往昔
也忘不了 誰曾為你哭不少
為甚麼願別離 為何抓不緊你
已百多星期 為何尚不懂我應心死
聞說你開心 聞說你歡恩
傳聞人皆稱許 身邊的那新戀人
聞說你一心 聞說愛得真
傳聞和他真的天生一對
我替你開心 傳聞中只得我傷心
你回港了 人說我依戀你如昔
你如聽了 但願都只當說笑
我忘不了 和你那些絲絲記憶
卻無需要 前來亂惹起騷擾
獨自走 獨自愁 完全不打擾你
過數千星期 頑石亦必可變得心死
聞說你開心 聞說你歡恩
傳聞人皆稱許 身邊的那新戀人
聞說你一心 聞說愛得真
傳聞和他真的天生一對
我替你開心 傳聞中只得我傷心
聞說你開心 聞說你歡恩
傳聞人皆稱許 身邊的那新戀人
聞說你一心 聞說愛得真
傳聞和他真的天生一對
我替你開心 傳聞中只得我傷心
傳聞中只得我傷心
| | |
| 2009-08-11 (Tuesday) 媽媽昨晚中了炎蛇"頭奬", 真的驚嚇到死.
換著是我一定暈低...
半夜又熱又敏感, 唔知係食物敏感定係有野咬, 整晚都睡得不好, 好眼瞓...
| | |
|
